Gubetini: Hyrja e Fatmir Limajt në listën e PDK-së do të ishte një forcim historik
Kryetari i PDK-së në Regensburg, Shqiptar Gubetini, ka bërë një thirrje të fortë për unitet brenda Partisë Demokratike të Kosovës, duke kërkuar afrimin e Fatmir Limajt në listën e PDK-së në këtë moment kritik për vendin dhe për UÇK-në.
Gubetini ka theksuar se situata aktuale politike dhe gjyqësore që po kalon Kosova, me liderët e luftës dhe të PDK-së në Hagë, kërkon maturi, vizion dhe bashkim kombëtar. Ai tha se mesazhet e dhëna nga gjenerali amerikan Wesley Clark për drejtësinë e luftës së UÇK-së duhet të jenë udhërrëfyese edhe për spektrin politik në vend.
Sipas tij, PDK-ja ka nevojë për forcim të brendshëm dhe për bashkimin e figurave kyçe të luftës.
Gubetini e quajti hyrjen e Fatmir Limajt në listën e PDK-së “një forcim historik”, duke theksuar se Limaj mbetet një ndër figurat më të rëndësishme të luftës dhe një zë i fuqishëm për drejtësinë dhe të vërtetën.
