Ministri në detyrë njofton fillimin e sanimit të gropave në të gjitha rrugët

Ministri në detyrë i Ambientit, Transportit dhe Infrastrukturës, Hysen Durmishi, ka njoftuar se është përmbushur premtimi i dhënë një javë më parë për fillimin e sanimit të gropave në rrugët e Kosovës. Sipas tij, punimet tashmë kanë nisur në të gjitha akset rrugore që janë në kompetencë të ministrisë.

Në njoftimin e tij drejtuar qytetarëve, ministri Durmishi thekson:

“Të dashur qytetarë,

Ashtu siç jemi zotuar javën e kaluar, sot kemi filluar sanimin e gropave në të gjitha rrugët që janë në kompetencë të Ministrisë. Brenda kësaj jave do t’i sanojmë të gjitha gropat në të gjitha akset rrugore. Siguria dhe qarkullimi i lehtë mbeten prioriteti ynë.” Punimet pritet të përfundojnë brenda javës, me qëllim të rritjes së sigurisë dhe lehtësimit të qarkullimit në infrastrukturën rrugore të vendit.